ट्रम्प समर्थित चुनावी नक्सामा सर्वोच्च अदालतको रोक, Missouri मा पुरानै नक्साबाट चुनाव हुने बाटो खुल्यो 

वासिङ्टन — अमेरिकी सर्वोच्च अदालतले Missouri राज्यमा रिपब्लिकनहरूले तयार पारेको नयाँ Congressional Map आगामी नोभेम्बर ३ को मध्यावधि चुनावमा प्रयोग गर्न रोक लगाएको छ। अदालतको संक्षिप्त आदेशमा कुनै न्यायाधीशले सार्वजनिक रूपमा असहमति जनाएका छैनन्।

नयाँ नक्सा राष्ट्रपति डोनाल्ड ट्रम्पको समर्थनमा रिपब्लिकनलाई थप एक सिट जित्न सहज हुने गरी तयार गरिएको आरोप थियो। विशेषगरी Kansas City क्षेत्रबाट डेमोक्र्याट सांसद Emanuel Cleaver ले प्रतिनिधित्व गर्दै आएको निर्वाचन क्षेत्रलाई पुनःसंरचना गरिएको थियो।

यसअघि Missouri Supreme Court ले पनि नयाँ नक्सा मतदाताबाट जनमतसंग्रहमा अनुमोदन नभएसम्म लागू गर्न नमिल्ने फैसला गरेको थियो। अदालतका अनुसार २०२२ मा बनाइएको पुरानो Congressional Map नै नोभेम्बर २०२६ को चुनावमा लागू रहनेछ, जबकि नयाँ नक्साको विषय मतदातासमक्ष जानेछ।