भोटेकोशीको कहर अझै सकिएन: १,३४४ शव भेटिए, ४,८९८ को अझै अत्तोपत्तो छैन 

काठमाडौं — रसुवाको भोटेकोशीमा आएको विनाशकारी बाढीपछि हालसम्म १,३४४ जनाको शव बरामद भएको छ भने ४,८९८ जना अझै सम्पर्कविहीन रहेको पछिल्लो विवरण सार्वजनिक भएको छ।

प्रहरीका अनुसार बरामद शवमध्ये ५०१ जनाको पहिचान हुन बाँकी छ। पहिचान कठिन भएका शव तथा बेपत्ता व्यक्तिको सनाखतका लागि DNA नमुना संकलन र परीक्षणलाई समेत तीव्रता दिइएको छ।

हालसम्म १,२६० मृतक र ९७२ जना आफन्तबाट DNA नमुना संकलन गरिएको छ। बाढी प्रभावित क्षेत्रमा नेपाल प्रहरीसहित सुरक्षा निकाय तथा सम्बन्धित सरकारी निकायले खोज, उद्धार र शव व्यवस्थापनको काम जारी राखेका छन्।

पछिल्लो विवरणअनुसार ८,६३१ जनाको उद्धार गरिएको छ भने ३,६५५ जना होल्डिङ सेन्टरमा रहेका छन्।

विपद्को धेरै दिन बितिसक्दा पनि ठूलो संख्यामा मानिस सम्पर्कविहीन रहेकाले खोज तथा पहिचान अभियान अझै चुनौतीपूर्ण बनेको छ।