बानेश्वरमा महिला प्रहरीमाथि हातपात, युवक पक्राउ
काठमाडौंको नयाँ बानेश्वरमा जथाभावी सडक नकाट्न र आकाशे पुल प्रयोग गर्न आग्रह गर्दा ड्युटीमा खटिएकी महिला प्रहरीमाथि एक युवकले हातपात गरेको घटना सार्वजनिक भएको छ।
प्रहरीका अनुसार घटनामा संलग्न युवकलाई नियन्त्रणमा लिएर राष्ट्रसेवकलाई काममा बाधा पुर्याएको लगायतका कसुरमा अनुसन्धान अघि बढाइएको छ। नियन्त्रणमा लिने क्रममा समेत युवकले प्रतिरोध गरेको बताइएको छ।
घटनापछि महिला प्रहरीले ड्युटीमै सुरक्षाकर्मीमाथि हुने दुर्व्यवहारप्रति चिन्ता व्यक्त गरेकी छन्। घटनाले ट्राफिक नियम पालना र सुरक्षाकर्मीप्रतिको व्यवहारबारे बहस बढाएको छ।