कुशलको कमाल: ब्याट र बल दुवैमा चम्किँदा नेपाल ‘ए’को लगातार दोस्रो जित
काठमाडौं — कप्तान कुशल भुर्तेलको उत्कृष्ट अलराउन्ड प्रदर्शनमा नेपाल ‘ए’ले अस्ट्रेलियामा जारी Top End T20 सिरिजमा लगातार दोस्रो जित निकालेको छ। नेपालले ACT Comets लाई ४ विकेटले पराजित गरेको हो।
पहिले ब्याटिङ गरेको ACT ले २० ओभरमा ९ विकेट गुमाउँदै १४० रन बनाएको थियो। कुशलले बलिङमा २ ओभरमा मात्र ९ रन खर्चेर ३ विकेट लिए।
१४१ रनको लक्ष्य पछ्याएको नेपालका लागि कुशलले ४७ बलमा ६१ रनको शानदार पारी खेले। पवन सर्राफले अविजित २९ रन जोड्दा नेपालले ४ बल बाँकी छँदै लक्ष्य पूरा गर्यो।
यसअघि नेपाल ‘ए’ले होबार्ट हरिकेन्स एकेडेमीलाई ३९ रनले हराएको थियो। सुरुवाती दुई हारपछि नेपालले लगातार दुई जित निकाल्दै प्रतियोगितामा शानदार पुनरागमन गरेको छ।
