साउदी अरबतर्फ मिसाइल र ड्रोन प्रहार, आकाशमै नष्ट गरेको दाबी
रियाद — यमनको हुथी समूहले साउदी अरबतर्फ प्रहार गरेका दुई ब्यालिस्टिक मिसाइल र दुई ड्रोनलाई आफ्नो हवाई प्रतिरक्षा प्रणालीले बीचमै नष्ट गरेको साउदी नेतृत्वको गठबन्धनले जनाएको छ।
गठबन्धनका अनुसार मिसाइलहरू दक्षिणपश्चिमी सहर खामिस मुशैततर्फ लक्षित थिए भने दुई ड्रोन राजधानी रियादतर्फ आइरहेका थिए। घटनापछि खामिस मुशैत र अब्हासहितका क्षेत्रमा सुरक्षा सतर्कता बढाइएको थियो।
पछिल्लो घटनासँगै यमन र साउदी अरबबीचको सीमाक्षेत्रमा पुनः तनाव बढेको छ। रेड सी आसपास जारी सुरक्षा चुनौतीका कारण क्षेत्रीय स्थिरता, ऊर्जा आपूर्ति तथा अन्तर्राष्ट्रिय समुद्री व्यापारमा समेत चिन्ता कायमै छ।
