कृष्णभीरमा नयाँ ट्र्याकको सफल परीक्षण, असोज १ देखि सञ्चालनको तयारी
काठमाडौं — बाढी र पहिरोका कारण क्षतिग्रस्त पृथ्वी राजमार्गअन्तर्गत धादिङको कृष्णभीर क्षेत्रमा निर्माण गरिएको नयाँ ट्र्याकको सफल परीक्षण गरिएको छ। नयाँ ट्र्याकमा ग्यास बुलेटसहितका सवारीसाधन चलाएर परीक्षण गरिएको हो।
सडक विभागले ट्र्याकको अवस्था र सवारी सञ्चालनको सम्भाव्यता परीक्षण गरेपछि असोज १ गते अर्थात् सेप्टेम्बर १७ देखि नियमित रूपमा सवारी सञ्चालन गर्ने तयारी गरेको छ। ट्र्याक सञ्चालनमा आएपछि लामो समयदेखि प्रभावित पृथ्वी राजमार्गको यातायात सहज हुने अपेक्षा गरिएको छ।
भोटेकोशी–त्रिशूली क्षेत्रमा आएको विनाशकारी बाढीपछि कृष्णभीरमा सडकको ठूलो भाग क्षतिग्रस्त भएको थियो। त्यसपछि पहाडतर्फ नयाँ ट्र्याक खोलेर वैकल्पिक रूपमा यातायात सञ्चालन गर्ने काम तीव्र गतिमा अघि बढाइएको थियो।
