विश्वका एआई दिग्गज जेन्सेन ह्वाङको नेपालप्रति ठूलो मन: बाढीपीडितलाई १० मिलियन डलर सहयोग
काठमाडौं — विश्वप्रसिद्ध अमेरिकी प्रविधि कम्पनी एनभिडिया (NVIDIA) का सह-संस्थापक तथा प्रमुख कार्यकारी अधिकृत जेन्सेन ह्वाङ (Jensen Huang) ले नेपालको बाढी विपद्पछि राहत तथा पुनर्निर्माणका लागि १० मिलियन अमेरिकी डलर अर्थात् करिब डेढ अर्ब रुपैयाँ भन्दा बढी सहयोग गरेका छन्।
सहयोग रकम प्रधानमन्त्री दैवी प्रकोप उद्धार कोषमा जम्मा गरिएको छ। उक्त रकम बाढी प्रभावितको उद्धार, राहत, पुनःस्थापना तथा पुनर्निर्माण कार्यमा सहयोग पुर्याउने अपेक्षा गरिएको छ।
अर्थमन्त्री स्वर्णिम वाग्लेले ह्वाङको सहयोगप्रति नेपाल सरकारका तर्फबाट धन्यवाद व्यक्त गर्दै यस्तो अन्तर्राष्ट्रिय सहयोगले विपद्बाट उठ्ने नेपालको प्रयासमा ठूलो बल पुग्ने बताएका छन्।
विशेष रूपमा, एनभिडियामा कार्यरत ५० भन्दा बढी नेपाली कर्मचारीको पहलले पनि यो सहयोग जुटाउन महत्वपूर्ण भूमिका खेलेको समाचारमा उल्लेख छ।
