इंग्ल्यान्डको आक्रामक ब्याटिङ, श्रीलंकामाथि ६ विकेटको जित
कार्डिफ : इंग्ल्यान्डले दोस्रो टी–२० अन्तर्राष्ट्रिय खेलमा श्रीलंकालाई ६ विकेटले पराजित गर्दै तीन खेलको शृंखला एक खेल बाँकी छँदै आफ्नो पक्षमा पारेको छ। कार्डिफको सोफिया गार्डेन्समा श्रीलंकाले दिएको १४६ रनको लक्ष्य इंग्ल्यान्डले ४ विकेट गुमाउँदै ४७ बल बाँकी रहँदा पूरा गर्यो।
इंग्ल्यान्डको जितमा टम ब्यान्टनले २४ बलमै अर्धशतक पूरा गर्दै अविजित ५२ रन बनाए। श्रीलंकाले पहिले ब्याटिङ गर्दै २० ओभरमा ९ विकेट गुमाएर १४५ रन बनाएको थियो। पाथुम निसांकाले ३७ रन बनाए।
इंग्ल्यान्डका लियाम डसनले महत्वपूर्ण विकेट निकाल्दै श्रीलंकाको सुरुवाती लय तोडे र प्लेयर अफ द म्याच बने। यो जितसँगै इंग्ल्यान्डले श्रीलंकाविरुद्ध टी–२० अन्तर्राष्ट्रियमा लगातार १४औँ जित दर्ता गरेको छ।
शृंखलाको तेस्रो तथा अन्तिम खेल अब ओल्ड ट्राफोर्डमा हुनेछ।
