अर्जेन्टिनाको जर्सीमा अब देखिने छैनन् मेसी, राष्ट्रिय टिमलाई भने अलविदा 

काठमाडौं — विश्व फुटबलका महान् खेलाडी तथा अर्जेन्टिनाका कप्तान लियोनल मेसीले राष्ट्रिय टिमबाट संन्यास लिने घोषणा गरेका छन्। करिब दुई दशक अर्जेन्टिनाको जर्सीमा बिताएका मेसीले अब राष्ट्रिय टोलीलाई दिन आफूभित्र केही बाँकी नरहेको महसुस गर्दै कठिन निर्णय लिएको बताएका छन्।

भावुक सन्देशमार्फत मेसीले अर्जेन्टिनाका लागि आफूले सुरुदेखि अन्तिम समयसम्म सबैथोक दिएको उल्लेख गरेका छन्। उनले राष्ट्रिय टोलीसँग बिताएका वर्षहरू, ऐतिहासिक सफलता र समर्थकबाट पाएको मायालाई जीवनकै अविस्मरणीय अध्यायका रूपमा सम्झिएका छन्।

मेसीले अब अर्जेन्टिनाको नयाँ पुस्तालाई अवसर दिने समय आएको बताउँदै परिवार, प्रशिक्षक, सहकर्मी र समर्थकप्रति आभार व्यक्त गरेका छन्।